鮮芋仙 (V Point )

營業中

休息中

個人感覺係呢間野名大個實，出邊條隊好長等好耐先入到去，入到去好似大家樂咁要自己買飛，食完就快啲走，因為好多人等位。講到食物嘅質素，主要係冰底，跟住加咗唔同款式嘅芋圓，有啲條狀，有啲球狀，有啲方方地幾得意，在面上加舊雪糕，加啲煉奶，係咁上下啦！有啲款式會加啲綠豆紅豆納豆，我諗會飽肚啲，所以食完碗野都幾飽，可以兩個人食一款都夠食。嗰日我同個朋友兩個人食一盤，食完之後第日仲肥咗一磅，你都咪話冇份量呀！哈哈！各位姊妹，奉勸你一句如果減緊肥就唔好去啦！