湯加 (置富都會)

營業中

休息中

有事出紅磡，想搵間少人啲既餐廳慢慢坐低食早餐，經過置富都會商場見到呢間餐廳唔算多人，仲有卡位，於是入去一試。餐廳樓面得一個職員，落單收銀送餐都係佢，雖然有送餐機械人，但我見職員好多時都人手送餐，職員都密密手咁做，但始終一個人，所以都要俾啲時間佢，有時候要等耐少少先搵到人。早餐選擇都好多款，除咗有港式早餐外，特別少少既我見有蔥油餅同冬瓜茶。 餐點味道就普普通通，冇咩特別驚喜。如果想搵緊餐廳坐耐少少食個早餐，而你又要求唔高，試下呢間都可以既。如果餐廳改用埋QR code 落單，應該對顧客同員工都更方便。