翡翠拉麵小籠包

營業中

休息中

約咗個多年無見嘅朋友，因為佢在國外生活，所以梗係要去搵中菜食，始終喺外國，很難搵到好嘅中菜餐廳，因為好多酒樓都無位，所以最後去咗翡翠拉麵小籠包。我哋叫咗小籠包、蘿蔔酥及小食拼盤（鎮江肴肉、甜醋茄子、雞絲粉皮同川辣皮蛋豆腐）。小籠包皮薄多汁，今餐最好食的！上湯好有鮮味，肉香嫩滑，點上香醋更滋味，味道更有層次。蘿蔔酥就比較失望，酥脆感係有的，不過油味較重，調味比較寡，蘿蔔份量奇少，味道淡，唔清甜。小食拼盤中特別鍾意甜醋茄子，味道酸甜開胃。鎮江肴肉都唔錯，達標。但雞絲粉皮嘅粉皮則太厚同唔夠煙韌。整體嚟講都自唔錯，不過略嫌有少少貴。