梁慶記

營業中

休息中

幫襯過澳門的街邊大牌檔梁慶記，所以帶少少好奇心黎幫襯，雖然食落係兩回事(澳門蛋巷嗰間好食好多)，不過食物味道VS價錢都算不過不失啦。叫咗個2人套餐，入面有蝦子麵撈粗，餸就揀咗雞扒(其他選擇有豬頸肉、豬扒、澳門魚蛋，金錢肚)，葡式蓋仔豬扒飯，酸辣墨魚餅，再加兩杯餐飲，另外再叫咗個淨牛筋腩。酸辣墨魚餅最流，其實就係有D似炸魚片頭咁樣，不過炸到over咗少少，而且唔酸唔辣。雞扒蝦子麵撈粗都OK，都落咗幾多蝦子，不過就無乜香味，另外D麵有梘水味。反而呢個葡式蓋仔豬扒飯幾好，其實就係炸豬扒下面有隻煎蛋，然後下面就係白飯。拎開D豬扒就見到隻蛋。牛筋腩都OK，牛筋好入味。