鳳城酒家 (已結業)

因朋友未到齊，所以食住幾味前菜先，沙薑雞腳、炸粉果(炸得好脆，再浸一浸上湯，好，唔會太熱氣，料都好味)、苦瓜(苦瓜本身醃得好入味，伴與酸甜汁，食到唔停得口)。好味的招牌菜：炸子雞和乳豬件都是一貫的脆皮、爽脆生腸，一如其名，非常爽脆，乾淨，絕無黏著髒物的感覺、魚湯浸時菜的湯好甜，應該真係魚湯黎0架。言過其實的招牌菜：鍋貼蝦炸得唔夠乾身太多油、桂魚卷及大良炒鮮奶勻過了火，太熟亦唔多夠味。甜品：西米蓮蓉焗布甸，唔覺得有蓮蓉，個皮又太厚，一般而已；反而送的甜品生磨核桃露，甜味適中，亦沒有漿粉糊口的感覺。這裡地方略嫌擠迫，但侍應的服務態度尚可；但總覺得上次去上環間鳳城的菜比較有镬氣，也比這間的菜好吃。