串燒殿 (已結業)

之前食過西環分店，好快又再戰尖沙咀分店！終於得閒寫食評😚呢間既環境佈置得好有心意，仲有大大個霓虹燈牌👍🏻打卡一流原隻風味燒魷魚，勁多蒜！好香口！！另外叫咗椒鹽魷魚鬚，炸到好脆，少少椒鹽帶出魷魚鮮甜👍🏻另外叫咗燒土豆片，切到好薄調味啱啱好，叫咗汁燒白鱔，白鱔鮮甜，仲有唔少得燒雞腎，好爽口，我最鍾意👏🏻超邪惡芝士燒茄子，平時食得燒茄子多，今次有芝士更吸引！呢度竟然仲有麻辣鴨血粉絲湯，味道唔錯，麻辣味好香，鴨血份量都唔少，最正係啲粉絲索晒啲湯👍🏻總括而言，呢間串燒幾好，不錯不錯👏🏻