牛屋潮式粉麵 (已結業)

近日搬到火炭住，經過火炭村見到間地舖又幾特別（內外都可坐），星期日都幾多單車友會食！不過室內位置就唔係太多，相信平日中午都會幾爆，星期日去食就有位唔需要等！一坐低就拎杯熱水，可以洗下餐具，都幾細心同衛生👍🏻👍🏻剛剛箍牙冇耐，特登叫定闆娘推介淋d既食物，就叫我試下牛腩，最後聽佢介紹，叫左牛腩米～ 牛腩肥瘦適中，份量都算慷慨，的確係唔錯！飲多兩淡湯都唔會口渴！而且少少濃都幾好飲🤣 價錢黎講都算係抵食（比起同區🤣）不過加$6既野飲就偏細杯少少，可以大杯少少就更好！