德里.西廚 (已結業)

之前搭車經過見到佢裝修得幾靚，有啲似cafe嘅氣息，就搵日去試下。以為貴，原來都算平！全日唔加一，但只收現金，Average唔食扒都係五十左右，全部飯粉都有得半價加野飲。叫左一個西班牙咖哩雞扒飯，好impressive!!塊雞扒好大塊又煎得幾好食！好juicy！推介！不過個咖哩如果係再辣啲就好，唔辣嘅個咖哩汁。加多杯半價左$10嘅凍檸茶，都唔錯。仲有一個xx腸肉醬意粉，加$19轉套餐有湯有牛角包有野飲有甜品，湯同包好普通，湯有啲水，濃啲好；包可以熱啲，不過都好香牛油味。個肉醬意粉又係普通，同其他地方如大x樂差唔多，不推介。個甜品係蛋糕仔，應該係homemade。埋單一個$55，一個$65。