良辰吉時 (已結業)

不錯肥仔水！良辰吉時標榜100%鮮奶用明治，我被呢句宣傳吸引，結果排隊買一杯啵爆黑糖厚鮮奶少冰$36，等左十分鐘左右有得拎。黑糖掛杯整得唔錯幾靚，用嚟打卡都可以。鮮奶味重但飲落黑糖味唔太足夠唔香。黑糖珍珠咬落淋左少少，略嫌唔夠煙韌有咬口。個飲品擺耐左，啲冰溶得七七八八，黑糖鮮奶就更加淡，冇哂黑糖味，所以影完相要快啲飲哂杯野去。整體質素唔差，攞嚟影相都幾IG-able，希望飲品可以花多啲心思做得更好，下次有機會先再試其他！