嘉麟樓

營業中

休息中

同太太買咗半島酒店staycation package，包早午晚三餐。晚餐安排在嘉麟樓。約七時到達嘉麟樓，酒店職員殷勤款待。由於 staycation關係，晚餐是指定菜式。 頭盤先上蜜味叉燒及醉雞。叉燒半肥瘦，有咬口。但蜜糖味道可以多少少。醉雞嫩滑，但份量卻非常少。跟著係蟹肉魚肚羹及鹹蛋黃炒蝦球。魚肚羹嘅蟹肉份量非常多，羹嘅味道非常鮮甜。蝦球極度彈牙，鹹蛋黃份量重手，食落有點滯嘅感覺。再上野菌扒時蔬及松露帶子炒飯。前者普普通通，但炒飯卻很不錯，飯粒乾身，粒粒分明，松露味突出，帶子嫩滑，份量卻非常少。甜品係湯圓紅豆沙及美點雙輝，味道合格有餘。值得一提嘅係前菜小食琥珀合桃，非常出色，食到我唔停得口。聽聞嘉麟樓係米芝蓮一星推介食肆，可能由於自己要求高，今次菜式嘅味道只屬中上。值得一讚係酒店職員服務真係非常好，果然係五星級酒店。