望月樓

營業中

休息中

收工夜左行開附近，來望月樓食中菜差差電。叫左個二人餐，一坐低就放左個前菜青瓜仔邊等上菜食野前飲個湯潤下，杏汁燉白肺湯，飲完好舒服，湯料又足，呢啲湯屋企懶煲，出街有得飲一定叫來飲。蒜泥白肉好好味，重口味arm晒香油萵苣絲就有不過不失，整體都脆身主菜就揀左酸菜煮桂花魚，魚肉鮮滑，魚湯都好香，不過個人喜歡酸味多少少高手炒飯有驚喜，炒飯粒粒分明，料頭又足，如果可以大碗d就好了。最後個甜品以蛋白杏仁茶作結，杏仁味香濃，熱辣辣上枱，食完飲啖清茶，好滿足。望月樓都係中高價的中菜為主，整體環境服務都不錯，食物的質素都ok，日後有機會會再試吓。