樓下冰室 (已結業)

今日又係荃灣附近食野😁夏天特別熱行到成身汗，今日都係一樣好熱咁入咗嚟呢一間舖頭佢係冷氣非常之大，所以就揀咗呢一間樓下冰室。呢間之前係黎過佢嘅蕃茄湯底通粉，咁今次呢就試吓佢嘅豬骨濃湯底，咁我哋就叫咗一個米線一個螺絲粉。佢係配上左炒滑蛋。個湯底都唔錯呀真係幾濃味。咁佢今餐呢就係有一碗粉面你可以自己揀要蕃茄湯底定還是係豬骨湯底。咁佢係會再配一款小食嘅咁我哋今次就揀咗「炸韭菜餃子」同埋「炸吉列豬扒」，咁佢兩款都係即叫即炸㗎嚟到都係熱辣辣👍👍👍個人認為係韭菜餃子係幾好食嘅🤤因為裏面啲餡夠多！炸吉列豬扒就一般般，沒有太大驚喜😅飲品方面我哋就揀咗凍檸樂同埋菠蘿冰，其實好少飲菠蘿冰不過見佢舖頭有個牌寫住菠蘿冰「正」咁就嗌左杯菠蘿冰飲啦🤩真係幾好飲喎啲菠蘿都係新鮮菠蘿嚟㗎唔係罐頭菠蘿👍👍👍