普洱

營業中

休息中

今日去開荃灣廣場，就去食下久違了O既普洱。呢度有好多選擇, 有焗飯,  碟頭飯, 砂窩米線, 涼拌麵等......我今日就揀左呈貢牛肉。三鮮。涼拌蕎麥麵同熱胚芽奶茶。呈貢牛肉。三鮮。涼拌蕎麥麵 - 夏天嚟親我都會揀涼拌蕎麥麵, 因為配料方面比較多選擇, 每次配搭不同。三鮮其實係魚, 蘑菇同豬肉。魚係比較大O既魚塊, 啖啖肉。呈貢牛肉就辣辣地同偏咸, 不過用黎撈蕎麥麵就一流。配埋青瓜絲同紅蘿蔔絲黎食, 味道剛好。熱胚芽奶茶 - 標準味道, 不過不失餐廳環境衛生方面我覺得可以改善下, 明白午飯時間會較多人, 好急咁清潔完就交枱, 但係試過有次個MENU 好多汁, 同埋旁邊D 位都比較污糟, 呢方面希望可以改善一下。