稻埕飯店 (V Point) (已結業)

因為有得食好食，所以就行到銅鑼灣度食飯，講少少呢間餐廳入面啲裝修， 幾寬敞同乾淨， 而且坐得舒服感覺唔錯 。其實都唔講乜嘢啦，大家睇下我食咗啲乜嘢啦:胡椒三星葱肉包 : 呢個蔥肉包我覺得真係幾正，出嚟嗰時熱辣辣，而且又有肉味之餘仲有黑椒嘅味道，感覺好地道，鍾意食蔥肉包嘅朋友一定要試下。薑母黑麻油雞湯 :呢個燉湯有勁香嘅黑麻油味 ，而且個湯底液都偏向濃味， 另外佢個薑味亦唔算話太過勁 ，係我鍾意嘅老火湯，趁住疫情都仲未消退，飲下呢個湯保保身。滿滿骨膠原豬手 : 呢個豬手我會畀十分，因為佢個豬手真係炆得好淋，一夾之下就會骨肉分離，而且佢個肉真係食得出有好多骨膠原係入面，而且汁亦都唔差唔係太鹹， 所以呢個真係幾值得試，不過我就覺得係細碟咗啲。滷肉飯(細) : 滷肉飯我覺得好好食，因為飯粒粒分明，而且佢個肉個比例上做得唔差唔會遮蓋到飯嘅味道而且佢個肉汁我覺得亦都唔錯所以台灣嘅滷肉飯我覺得呢一間餐廳做得唔差。最後飲埋杯蜂蜜鳳梨汁&黑糖珍珠奶蓋就閃人， 其實呢間台灣嘢我覺得啲嘢都幾有質素如果大家經開銅鑼灣可以試下呢間餐廳。