麺屋武一 (已結業)

之前來開附近都會食一蘭，今日想食拉麵又肚餓，一於行去另一頭搵下有邊間唔使等位。雖然去到都要等一張枱，但都算好快。舖頭唔大，但每張枱之間至少唔會太迫。講食物先，拉麵都算幾抵，八十幾蚊份量都足夠。麵質夠晒爽口，叉燒啱啱好半肥瘦，溏心蛋一咬就流晒出來，正柚子梳打飲落幾fresh，又唔會太甜，都好好飲啊﹗朋友要左咖喱薯餅，食落咖喱味好重，不過我嫌太淋，都係鍾意一般薯餅多d整體來講，拉麵不錯，喺尖咀絕對抵食，唔想喺一蘭等位都可以過來試下仲有好多唔同來自日本的樽裝飲品，見到靚靚包裝特別想試p.s.員工態度都好好，過程中有詢問我哋想唔想轉台，方便畀後面3人入座，當問到轉位嗰度會唔會對正風位，佢都好老實答有一邊會吹住，仲話唔緊要，留返原位都冇問題，令我哋感覺都好好。