壽司派 (已結業)

琴晚難得可以同幾個中學同學聚舊，一向鐘意試唔同餐廳既我決定揾間靜靜地又可以坐得舒舒服服又唔會比人趕既餐廳。　世貿中心係個唔錯既選擇，因為佢地怕肥，所以就食日本野ｌａ。　我地一行四人，ｂｏｏｋ左　８：３０，最鐘意遲到既我居然早到，所以可以慢慢揀食咩。Mｅｎｕ以壽司為主打，主菜及熱食並不多。　等左１０分鐘到，佢地三隻野終於到ｌａ。睛睛，琪琪同小雲就一齊尼，因為佢地全部住九龍。佢地全部都係三文魚怪，所以叫左６碟三文魚及６碟海膽壽司。佢地既三文魚值得一讚，鮮橙色同好鮮甜。另外仲叫左４碗蒸蛋同４碗烏冬，個蛋仲好鬼滑。　最後，當然唔少得刺身ｌａ，因為叫得太多三文魚ｌａ，所以睛睛同琪琪就叫左３碟鱆魚刺身。當我地飲飽食醉時，琪琪就提議上埋滿記食甜品，所以食左１個鐘到就埋單ｌａ。初初睇格局以為都會幾貴，但係埋單都係７百蚊到。仲有，呢間餐廳唔會趕你走，ｄ服務能度都幾好。幾時都話，食壽司要多人食先至抵食，但係下次都唔知幾時可以約埋佢地三隻野再擦過！