陳家菜 @Freshlane (樂基商業中心) (已結業)

今日屋企冇人煮飯，決定簡簡單單叫個外賣返屋企食～上網望一望外賣Apps，搵到呢一間餐廳 主打外賣小菜 一於就叫兩個餸返屋企啦！我哋叫咗枝竹羊腩煲同雞煲，白飯兩碗例湯兩碗～落完單之後過到去已經即刻攞得，效率非常高！枝竹羊腩煲冬天食呢個真係好滋補，非常暖胃，羊肉食起上嚟冇乜羶味，羊腩鮮嫩多汁 配上枝竹可中和羊肉 ， 非常好食！雞煲有好多雞件 配上洋蔥🧅，秘製醬汁味道有點辣，又刺激，送飯一流！例湯清甜好飲，飲落去非常舒服依家外賣小店價錢不貴，員工態度非常好👍，值得再嚟！