2000円料理放題專門店 (已結業)

由於Lunch食得唔夠盡興既關係，老公就帶我食放題。老公之前同朋友食過，今次輪到我試試。7點幾去到，無訂枱都有位。座位非常窄，有人行出行入都會撞到。我最後發現原來張椅可以轉係俾人撞架，因為待應上菜既時候已經推過我不下10次。刺身第一輪一定係叫刺身，真係叫幾多就黎幾多，唔似其他餐廳，叫10塊都係得2、3塊。三文魚同鮑片係正常貨色，甜蝦就唔夠新鮮，有啲霉，八爪魚好韌。有冰墊底同乾冰放係隔離，上枱唔錯，幾好睇。炸物炸蝦天婦羅，厚粉，蝦細隻又霉。炸蠔就好啲，粉夠味厚度適中，蠔仲好JUICY。焗蠔我覺得好食過炸蠔，芝士忌廉汁好食，但蠔就比較細隻，但都好JUICY。不過食多幾隻會膩。壽司都幾多選擇，仲有個好得意既墨魚汁飯，不過我都係鍾意正常白飯多啲。長三文魚，夠長但完全唔肥美。芝士蝦，老實說我覺得爭鮮啲好味啲。鐵板???唔記得叫咩名，但呢個係全餐最好食既。入面有菇同蝦，啲蝦好食過刺身果啲夠爽口。用左少少鹽同胡椒調味，但係鐵板上熱辣辣好惹味，要再ENCORE。