影片
更多
2010-04-19
5 瀏覽
舊同學聚舊,又唔想打邊爐,又想食日本嘢,唯有選擇日式放題(因為比較經濟),原本諗住星期六去金X食日式放題,星期五Book都未遲啦(大安旨意),誰不知星期五竟然Book唔到星期六晚飯,心諗:唔通要打返邊爐!!星期六早上,諗住盡最後努力,希望可以搵到日式放題啦,上嚟'Open Rice'睇睇啦,搵到呢間'石澗日本料理'先望望D食評,好似好壞參半咁,再望望個地址,都幾方便就腳,算啦,諗住志在聚舊,食物質素唔太差就算啦,再加上仲未Book到位,好啦,博一博,睇吓有冇位,上午11:30打電話去,A小姐話比我聽,應該有位(大嗱嗱11個人),不過佢唔係付責Booking,A小姐話付責同事返12:00,大概13:00之前會打比我Confirm Booking,13:00之前真係覆到我,付責Booking小姐話OK,今晚20:00十一位冇問題,即日Book到又好快覆我,抵讚!!!!晚上大概19:30到達,因為怕Book咗都要等,所以早D到,點知去到唔駛等,真係大加分,Very Good!!坐低冇即刻計時,大概20:10先齊人開始,大概食到22:30先走,其間都冇迫我地走!!開始逐樣點評:讚環境:都幾清靜
舊同學聚舊,又唔想打邊爐,又想食日本嘢,唯有選擇日式放題(因為比較經濟),
原本諗住星期六去金X食日式放題,星期五Book都未遲啦(大安旨意),
誰不知星期五竟然Book唔到星期六晚飯,心諗:唔通要打返邊爐!!
星期六早上,諗住盡最後努力,希望可以搵到日式放題啦,
上嚟'Open Rice'睇睇啦,搵到呢間'石澗日本料理'
先望望D食評,好似好壞參半咁,再望望個地址,都幾方便就腳,
算啦,諗住志在聚舊,食物質素唔太差就算啦,再加上仲未Book到位,
好啦,博一博,睇吓有冇位,上午11:30打電話去,A小姐話比我聽,應該有位(大嗱嗱11個人),
不過佢唔係付責Booking,A小姐話付責同事返12:00,
大概13:00之前會打比我Confirm Booking,13:00之前真係覆到我,
付責Booking小姐話OK,今晚20:00十一位冇問題,即日Book到又好快覆我,抵讚!!!!
晚上大概19:30到達,因為怕Book咗都要等,所以早D到,
點知去到唔駛等,真係大加分,Very Good!!
坐低冇即刻計時,大概20:10先齊人開始,大概食到22:30先走,
其間都冇迫我地走!!
開始逐樣點評:
讚
環境:都幾清靜,環境都好衛生!!
服務:侍應都幾快手收碟,唔駛等我叫佢先識收,又擺定一煲熱茶比我地,幾好.
食品:各樣刺身都算新鮮,
吉列蠔,吉列豬扒同吉列帶子不過不失.
天婦羅蝦新鮮炸起,好好味,自己食咗3隻
芝士年糕我唔食既,不過D同學話都好正!
豚肉生薑燒,不嬲都鐘意食,唔錯.
燒帶子好好味,不過略為唔夠熱.
燒粟米,我唔食既,不過聞到都好香!
彈
環境:場地雖大,但冇圓餐桌,完全冇辦法可以同桌尾既舊同學講嘢.
服務:上菜速度慢,我叫咗刺身,之後出咗去接個舊同學,大概十分鐘後返到,
都要等多五分鐘到,個刺身先到!
食品:雞軟骨燒得好乾!!
燒雞翼有少少燶味,同埋隻雞翼唔夠味!!
厚燒牛肉粒好'鞋',唔駛講!!
另外有兩樣亦非常值得讚:
1.廁所好乾淨亦好乾爽!!
2.於同舊同學影相時,員工主動幫我地影咗幾相合照,大加分!!
張貼