天寶鐵板燒

營業中

休息中

我同朋友一行七個人今次去天寶食日式鐵板燒首先令人印象深刻既係師傅好有心機手作炒特大蒜片，係真係炒得好香，啲蒜味好濃郁，真係一啖就上癮！接著就係最令人期待嘅澳洲鮑魚，兩大隻超肥美，啖啖都係新鮮嘅鮑魚肉，好滋味！而且個份量好足，一齊食完都係一種享受！美國牛肉厚及薄燒都非常之好，師傅特別調製味道非常之嫩滑，而且加埋啲醬汁一齊食，真係好好味，仲有薄牛肉就係切得好細，燒得啱啱好，味道非常之鮮美，好適合小食！北海道海膽就唔洗講啦，即日係日本空運到港，呢度冷品係真係非常驚喜，食落去好甜而且鮮味十足，大愛！而焯燒彖拔蚌都好爽口清甜最後就係金鯛，師傅用油先焯熟魚皮魚鱗，再特別調制魚湯，令到食落去一啖香氣四溢，味道非常之鮮美，個魚肉又好嫩，真係一個非常之好嘅菜式！總括而言，食材都算新鮮，師傅嘅手藝不錯👌🏻