海幸壽司 (已結業)

星期六1點幾去到勝利道附近想食個lunch，見到餐牌唔錯所以入咗呢間日本餐廳。原本打算叫刺生丼飯，但店員話無哂壽司飯所以只好叫其他定食😢🍱鰻魚茶漬飯($88)定食擺盤好靚😍跟餐有一個茶碗蒸，配料唔算多，不過不失鰻魚好厚肉，味道正常發揮但無炭燒味(當然呢個價錢都唔expect有🤣)鰻魚比較多碎骨，食嘅時候要比較細心咁咀嚼🍱吉列豬扒定食 ($58)豬扒做得幾好！炸衣好薄好脆～豬扒好淋，每一啖都好滿足🍣海膽三文魚子卷當時諗明明話冇晒壽司飯但點解又做到卷物😂最後原來係啲飯未凍得哂，所以上茶嘅時候都有同我地講話可能會比較易散，不過最後都無散嘅😂海膽唔算特別新鮮，整體來講好普通🙈