澳斯林餐廳

營業中

休息中

星期六約咗舊同事喺大興邨打波，我哋先喺兆康站集合，諗住食個靚早餐先。選擇唔多之下，揀咗兆康苑商場呢間奧斯林餐廳。呢間餐廳話時話差唔多成40年歷史，兆康苑有幾耐，佢就有幾耐。其實佢仲有自家出爐嘅麵包同蛋撻，今時今日都好少見。我哋叫咗個鮑片雞肉通粉加多士煎蛋同熱咖啡。味道可以，$36位性價比算OK，因為雞肉都算大粒，鮑片也大塊,咖啡也可以。一路食一路聽老闆同啲茶客搭嗲，街坊街哩，另有一番滋味。