BABY K Bora Seafood (已結業)

剛剛入到店門口，發現呢到比想像中大好多。我同朋友一坐低，立即有服務員攞水比我地，仲有一樣要講就係個環境好舒服，店面好靜，坐既位置都好空曠。我介紹食物方面先，值得推介既食物有前菜碗周打蜆魚湯，呢碗湯味道好濃，食到好多粒粒，飲得出落好重料，再嚟就係個西班牙黑毛豬梅頭，賣相唔錯，食落去熟度啱啱好，更加無猪本來有的腥味，食落好juicy好多肉汁。另外仲叫咗個老虎蝦番茄醬意大利粉，個老虎蝦煎到個殻好香，個意大利粉既番茄醬汁番茄味好濃郁，如果鐘意食番茄醬味道濃一定好鐘意!!!以上就係值得推介嘅食物！！！！！呢到仲有設自助沙律吧，加$38就可以無限食自已鐘意食既水果同沙律總括分數:5/❤️❤️❤️❤️ 食物:5/❤️❤️❤️❤️ 環境:5/❤️❤️❤️❤️❤️❤️ 服務:5/❤️❤️❤️❤️❤️ 價錢:5/❤️❤️❤️❤️希望呢間店可以多啲人知道，因為環境真係好舒服，食物方面都好高質，出面仲有燒烤同酒吧廳，好適合一家大細同公司聚會！！！