JUST'er Bar & Restaurant

營業中

休息中

之前經過山林道呢間餐廳都見有人等位，今次預先Book 定位就唔使等。呢間小店嘅座位唔多，最搶眼一定系全院滿座嘅招牌。門西淋牛豬 VS 蝦兵蟹將 $345（8/10）我好鐘意門西淋呢個名🤣🤣呢個系二人份量，有焗多汁豬仔骨，多汁淫蝦，全麻皆雞三隻，炸軟殼蟹，特濃茄汁意粉。焗多汁豬仔骨個醬汁都幾濃，好腍又好入味又多汁，幾好食。多汁淫蝦其實系龍蝦🦞龍蝦鮮甜啖啖肉仲有好多膏。全民皆雞系炸雞翼，雞翼炸得好脆，雞肉嫩滑多汁。炸軟殼蟹正正常常，茄汁燴意粉茄汁味都幾重，意粉就軟硬度適中，幾好。垃圾八爪魚 $48（8.3/10）八爪魚炸到好脆，咬落口有幾彈牙，配埋個沙律醬汁唔錯，呢個一啲都唔垃圾㗎。真 士多啤梨奶昔 $51（8.2/10）士多啤梨真系飲到粒粒士多啤梨，加埋奶昔整體味道唔會好酸，都幾好飲㗎。海鹽櫻花奶昔 $47（8/10）花香味好濃，好香花香味，又唔會好甜，呢杯都好飲。總結：食物質素都唔錯，建議大家嚟食最好先訂位。