Bondi (已結業)

今日放假黎工業中心shopping, 先食個lunch先, 荔枝角食店唔多, 想搵間比較休閒舒適既餐廳, 所以預先上openrice, 搵下有咩好地方選擇, 見呢間相片裝飾都幾有味道,食評也很好, 試試! 好彩係下午茶時間, 黎到唔洗等位。裝飾比較西化, 地方都幾大, 播放住西洋音樂, 感覺好舒服!有set選擇, 款式都幾多, 有牛扒, 羊扒, 意粉餐。前菜可選沙律或湯, 包埋飲品同甜品。煙鴨胸沙律配芥辣醬, 個汁較得幾好。泰式鮮蝦扁意粉, 聽落配搭幾新鮮, 食物賣相好吸引. 新鮮大蝦, 食落幾彈口, 味道酸酸甜甜, 好開胃, 配埋黑白芝麻, 味道更突出, 扁意粉軟硬適中。個士多啤梨奶凍, 好香滑, 好好味!忌廉凍朱古力, 味道香濃!