海匯粥品

營業中

休息中

講起鰂魚涌食粥，好多人都會諗起巴士總站旁邊嗰間，不過當地街坊就推介我去試呢一間屈咗去怪獸大廈後面嘅呢一間食粥。因為早餐時間唔係好想食得咁heavy，所以無揀內臟類別，反而揀返d早餐粥，我食咗皮蛋魚片粥，本來仲想食牛脷酥或者煎堆，不過今朝佢哋都無呢兩款油器，結果我就叫咗碟炒麵。碗粥嘅粥底唔錯，佢係杰身啲嗰款style，配料都算多，搞到碗粥好似得好少咁樣。魚片夠新鮮，反而啲皮蛋未夠靚，如果係糖心皮蛋會更正。炒麵個味唔錯，食到豉油香味，不過略嫌有少少濕。