TED's Lookout (已結業)

今次lunch time黎到灣仔月街食飯。日月星街呢度有好多好嘢食，而我今次就試下呢間Ted’s Lookout。呢間餐廳雖然面積唔大，但都有分户外同室內座位。室內環境幾好，有個開放式廚房，裝修亦有外國風格。但見天氣涼涼地，所以我地就揀左坐户外座位。Lunch time 其實淨係得8款嘢食揀，餐跟湯同餐飲。我地兩個人就揀fish and chips 同 grilled chicken pasta餐湯係羅宋湯，餐飲叫左凍檸茶，兩樣都正正常常。至於Fish and chips ，就好有水準！魚嘅外皮炸得好香脆，但入面嘅魚好滑好軟亦有少少汁，完全做到外脆內軟嘅效果。薯條亦炸得好香口，加埋調味粉令味道更豐富。至於grilled chicken pasta 亦都唔錯！雞煎得剛剛好，唔會太dry。我最鍾意佢個pasta，煮得好creamy，好合我口味。