影片
更多
2017-10-11
122 瀏覽
餐酒方面試左隻西班牙嘅啤酒 Estrella Lemon/Damm，酒味唔太濃，易入口，有少少似果汁酒但冇咁甜，可以餐前飲啖醒一醒胃主角有3款，分別係法國綠寶石Emerald，法國水中花Fleur des eaux 同埋西班牙巨型Arousa！綠寶石雖然較細隻但食落較實身爽脆；水中花雖海水礦質味較濃但甘芳香甜味緊隨於口中漸散出黎，味道層次及驚喜度最大；而大大隻嘅西班牙蠔肉厚肥大最有口感另外同碟仲有翡翠螺、鮮大蝦刺身同帶子，翡翠螺煙韌鮮爽，大蝦同帶子刺身就清甜多肉好有口感海膽刺身一板有3大杓，常見嘅紫菜固然有列席，但老闆花心思創意用上海之葡萄為口感上加d化學作用，爽脆嘅紫菜包住入口即融嘅金黃海膽刺身，一咬再有海葡萄嘅爆汁effect，再加少少芥末作嗅覺上嘅點綴，冇得輸！之後嘅天婦羅式炸大蝦頭佐沙律醬，原來係用返頭先大蝦刺身果個頭，一蝦兩味，'首尾呼應'😂，上枱熱辣辣一咬脆身之餘更加醬爆，d蝦膏喺口裏面由蝦頭咇出黎，好過癮跟住嘅係蟹餅，同平時果d比，呢個厚身d之餘d蟹肉唔會太痴埋一齊，外皮煎至有少許網紋同脆身，同內裏嘅蟹肉配搭得相映成趣主肉西班牙點毛豬架，肉脂比例大概7:3，感覺唔會太過油
主角有3款，分別係法國綠寶石Emerald，法國水中花Fleur des eaux 同埋西班牙巨型Arousa！綠寶石雖然較細隻但食落較實身爽脆；水中花雖海水礦質味較濃但甘芳香甜味緊隨於口中漸散出黎，味道層次及驚喜度最大；而大大隻嘅西班牙蠔肉厚肥大最有口感
另外同碟仲有翡翠螺、鮮大蝦刺身同帶子，翡翠螺煙韌鮮爽，大蝦同帶子刺身就清甜多肉好有口感
海膽刺身一板有3大杓，常見嘅紫菜固然有列席，但老闆花心思創意用上海之葡萄為口感上加d化學作用，爽脆嘅紫菜包住入口即融嘅金黃海膽刺身，一咬再有海葡萄嘅爆汁effect，再加少少芥末作嗅覺上嘅點綴，冇得輸！
之後嘅天婦羅式炸大蝦頭佐沙律醬，原來係用返頭先大蝦刺身果個頭，一蝦兩味，'首尾呼應'😂，上枱熱辣辣一咬脆身之餘更加醬爆，d蝦膏喺口裏面由蝦頭咇出黎，好過癮
跟住嘅係蟹餅，同平時果d比，呢個厚身d之餘d蟹肉唔會太痴埋一齊，外皮煎至有少許網紋同脆身，同內裏嘅蟹肉配搭得相映成趣
主肉西班牙點毛豬架，肉脂比例大概7:3，感覺唔會太過油膩，一次過咬落粉紅嫩色嘅肉身同油甘嘅脂肪部分，大滿足！
最後甜品有心太軟加雲呢拿雪糕，如果心太軟可以大少少嘅話，就perfect la😆
除左食物高質之外，環境又有格調，外面馬路又方便有得泊車，亦都算一大賣點之一
張貼
