Su Casa (已搬遷) 新店位置

石門越來越多嘢食，而且餐廳選擇都多。今日嚟呢度食諗住試一試。先叫了煙三文魚他他，有番茄碎，酸酸地夾埋啲煙三文魚食，幾好食。份量都唔少，呢個幾抵食，而且賣相都唔錯。一向都好鍾意食鵝肝多士，就諗住叫一個share，鵝肝非常之厚切，而且有多士墊住，唔會太油，一咬落去鵝肝非常之香，不錯。鵝肝油真係好正。而且仲配有沙律，都幾清新。主食叫咗菠菜帶子扁意粉，帶子都幾大粒，而且煎得幾香，菠菜扁意粉份量好多，但係食落去都幾煙靱。飲品都唔錯，夠健康。