景逸軒 (已結業)

父親節一行十幾人去飲茶, 去左新開既景逸軒因為十幾人既關係, 叫左成好多點心仲有幾碟炒野, 我覺得推介既有:合桃叉燒酥 - 一上枱熱辣辣, 爭d"辣"親條"脷", 呢個勁好食, 我食左兩個 叉燒餐包 - 個皮係墨西哥包面, 唔錯牛柳粒 - 食落去幾鬆化, 有d似食日式野o個陣既牛柳粒魚湯烏冬 - 平時我唔係太鍾意食魚, 唔知點解覺得個魚湯幾鮮甜 椰皇燉鮮奶 - 好似雙皮奶咁, o係個椰青入面有d燉奶, 好香好得意叉燒 - 叫左燒味一碟, 係叉燒黎, 有d甜甜地, 真係好好味, 呢個印象最深刻!!椒鹽豆腐 - 炸得o岩o岩好, 熱辣辣的, 好在有了叉燒酥既教訓, 無即刻擺入口因為叫得都幾多碟, 真係唔記得晒叫左d乜, 尤其我唔食o個d野其餘記得既仲有燒賣, 蝦餃, 蘿白糕, 煎堆仔, 蝦腸, 春卷, 菜遠牛河, 牛柳炒烏冬, 呢d正正常常啦, 無話勁好味又無話勁難食.Overall黎講d野食都幾好味, 下次同屋企人再黎先!