鳳鳴居

營業中

休息中

星期日响龍琛路體育館打完羽毛波，打完波就晚飯時間，但又唔係話好肚餓，咁就去咗對面馬路少少地食碗麵啦。叫咗碗姬松茸雞湯麵，一上枱就即刻試啖湯底先啦，入口鮮甜，濃郁有雞味，忍唔住口會飲多兩啖。雞件份量都唔少，雞肉唔會鞋口，都食到有D雞味，跟配果碟豉油都無點過。姬松茸入口都脆嫩，吸咗雞湯嘅味，多咗一份層次。食晒碗麵，最後D湯都飲咗8成，真係幾好飲。價錢唔算貴，有返一定質素，呢間麵店下次會再幫襯，試埋其他麵。