木槇料理 (已結業)

收工去左附近嘅餐廳醫下肚先，平時食飯都是是旦旦，今日一於對自己好d，去間靚靚高級日本料理食享受下先。一支公去到都幾舒服，入到去，人客吾算多，店員服務都好周到有禮，吾會覺得自己一個尷尬。menu都好多選擇，價錢合理，最後選了香葱薄燒牛肉定食配三文魚刺身及和風野菜沙律（$168）。等左一陣吾洗好耐就上碟啦。定食一盆咁上碟，牛肉份量好多，差不多比飯更要多，哈哈，牛肉切得好薄食落好鬆軟，吾會太乾，因為仲保留肉汁，欣賞佢下面有菜，放在底吸晒牛肉味，所以d菜好味道丫。另外碗飯都吾錯，熱辣辣珍珠米，軟棉棉。三文魚刺身夠新鮮，三塊切厚，份量岩岩好，沙律就不過不失。整體滿意，食完坐下飲返杯熱茶，都幾舒服。