麵屋一京 (已結業)

今日去咗深水埗行街，本來約咗成班朋友一齊食飯，可惜佢哋全部放晒飛機。所以行完街之後，就咁啱見到有呢間新店，所以打算入去一試，因為喺深水埗好少會見到一些日本嘅拉麵。入到去，位唔算多，一眼睇晒。之後，見到佢有鎮店之寶，真叉燒拉麵，所以決定要叫。而且佢都話係限量嘅。之前都食過另一間分店，但係當時試唔到呢個鎮店之寶。今次好彩，仲有。真叉燒拉麵味道方面都唔錯，佢嘅叉燒肉質，同平時嘅日式叉燒拉麵唔同。平時嘅日式叉燒拉麵比較硬，而佢呢個係比較滑嘅，好似食滑牛一樣。另外，佢哋嘅服務都唔錯。