悠閑閣餐廳 (已結業)

第二次嚟幫襯，上次食晚餐，質素不錯，見到有all day breakfast 所以嚟試下。星期六12點幾去到都幾多人，好彩仲有枱。叫咗個午餐嘅all day breakfast，包湯同熱飲，好似係$68，價錢都ok。湯係磨菇湯，唔係沖粉，飲得岀係機打碎嘅磨菇，幾好飲，配埋蒜蓉包。主菜有黑松露炒蛋，腸，牛角包，薯條，沙律，蕃茄，煙三文魚同煙肉，全部都係新鮮整，牛角包好香牛油味好鬆軟。炒蛋亦啱啱好，無炒到好乾，煙肉好脆好香口。份量都幾多，女仔食飽咗少少。但好食所以食曬。