真鮨 (已結業)

moshi moshi表面望落似甜品店，店面不大，但裝修幾精緻，行幾級樓梯上會見到單邊位同5﹣6枱4人枱，好適合人少少黎試。lunch menu都幾吸引，主要係拉麵同don飯；我地叫左一set血池拉麵（無食到，但朋友話好好味，唔辣）；一set 鰻魚飯（鰻魚肉好多，一D都唔姑寒！飯已經淋左D醬汁，啖啖食落都係鰻魚同紫菜，好味！）同埋個特級刺身拼盤：望落幾吸引，材料都新鮮。雖然海膽唔係大大件既但係好鮮甜，墨魚刺身界開左卷住青瓜，靚得黎又好清新，唔錯！ 如果魚子可以配埋少少紫菜上，俾人’不‘落去托住食，應該會更好！仲有個明太子玉子燒，不過我覺得太咸。D明太子係多到跌出黎，但由於佢上菜時仲淋左D汁，似係醬汁，所以D蛋食落都咸；個人認為醬汁可以唔洗加，因為明太子既味已經好足夠。可以一試！黎開呢頭唔想食韓國野就食佢啦！