金記冰室 (已結業)

去朋友家打機, 是元朗較入既屋苑, 去到樓下都冇咩野食, 好在仲有間茶餐廳開左。裝修都幾好, 感覺坐係到食都好正, 夠大夠闊落。 不過人地都快關門, 就急急腳叫外賣走人。佢地包野都唔錯, 野飲仲有內隔, 少左倒野既機會。叫左老火湯, 個日是西洋菜湯, 都好足料, 好多西洋菜同豬骨。唔會好味精好咸, 味又夠, 都唔錯沙薑雞飯, 幾香, 沙薑味重, 雞肉既肉都好嫩, 唔會粗。朋友叫左咖哩牛腩, 呢個抵讚, 咖哩好茶餐廳式, 夠香濃惹味, 而且料都OK多。送飯一流, 忍唔住送多啖飯。兩杯野飲都OK, 特別是紅豆冰, 味道足唔會好水, 紅豆又多。好飲。整體呢間唔錯, 套餐有湯飲, 個湯都OK, 要是可以坐又舒服, 下次去朋友家可以再去。