Waraku Japanese Casual Dining (已結業)

呢日同屋企人黎呢度食飯，雖然係星期六，但人唔太多。都好既，唔使等位，乜都唔使等，好事黎架。牛肉鍋全名唔記得啦，不過有個飯、湯，牛肉鍋同個飯。個味道都唔錯，好似係日式既雜錦鍋。上面仲有隻蛋，可以撈黎食。天婦羅烏冬天婦羅既炸粉唔多，個蝦整得好好味。而烏冬係好煙韌同爽口。我覺得佢整咁大個碗，係唔想湯整到周圍都係。不過個碗又真係好重。炸雞唔油，醃味唔錯架。個炸既肉質好滑，有料到。炸芝士三文魚係有芝士既炸三文魚，芝士既份量好多。三文魚就無乜特別，但都唔錯架。呢間野都唔錯，都仲有下次既。