食飯

營業中

休息中

最鐘意小店既我bookmark左呢間泰國野好耐，之前行過見佢門面幾特別，入面都幾乾淨企理。假日來食個lunch, 叫左個泰北咖喱湯麵（金邊粉）同椰子雪糕，共$148。落左單，一分鐘就上左碗熱辣辣湯麵，咖喱湯底幾香，夠味得黎唔算好咸，係天陰陰的日子食都幾comforting! 最多人讚佢個「筷子一夾就散開既雞腿肉」，呢個形容係幾貼切，佢確實係淋到呢個地部，但問心口感似濕水紙皮，好淋但趙趙下係好多渣。我自己並唔太喜歡。亦一個我睇中既係椰子雪糕，配上花生同椰肉，風味十足。雪糕帶丁點咸味，很提味。花生好脆，咬開似花生醬咁香濃，同個雪糕好夾。$68/有三球，性價比不錯。食呢個甜品令有人去渡假的感覺！有機會都可能再來，試下佢其他野。