大慶燒味飯店 (已結業)

諸事不順，不想再與任何人溝通，中午沒有跟同事們一齊食飯，獨自去買個飯盒吃。想起外公最鐘意食大慶既燒味飯，反而我一次都未食過，於是就行多幾步去買個飯盒。要一個叉燒燒鴨飯，收銀同燒味師傅都好爽手，兩分鐘唔使便完成交易。然後我再走去港灣道泳池對開既石椅吹著海風享受我既午餐。中午食晏時間，都好多西裝友坐在這裡吃飯盒呢！大概是我的疏忽，叉燒沒有叫半肥瘦，結果來了個全瘦的。乾柴柴的叉燒，又切得鬼咁大舊，要花九牛二虎之力才得咬開，再莫講味道如何。反之，燒鴨就可以，還有隻鴨脾，喜出望外。鴨幾香，皮也算脆，收貨了！吹著海風，聽著音樂，吃著燒味飯，不經不覺又成粒鐘，又要回到工作崗位去打拼。