延

營業中

休息中

有段時間無食鐵板燒，喺網上搵吓資料，試咗呢間喺天后既延。當晚同老婆兩個人去食，結果係唔多滿意。先講食物，兩樣主食，龍蝦煮得過熟，都唔敢要求有糖心，但都不能夠煮到鞋颯颯。和牛薄燒無嘢，厚切就出事，我要五成熟老婆要七成，最後兩個都食到入邊係生嘅，失敗！再講服務，我哋坐六人枱，之前已經有四個客人坐低，我哋坐側邊，廚師全程冇同我哋有交流，就算早前四個客人走了，佢都係自己煮，煮完就放喺我哋面前，同喺商場啲一人鐵板燒冇分別，廚師一人煮10幾個咁，仲有就係個廚師帶住個黑口罩，俾人感覺唔係好舒服，店主係有責任管理好廚師嘅服飾同打扮，唔通佢話帶埋個頭盔同咩把遮喺背脊你都俾佢煮咩。畀得起千五蚊一位嘅客人，應該唔係想要呢啲質素，天后區都有好多同類高檔食肆，若不從速改善，必定就會喺時間嘅洪流裏消失。