小肥羊 (已結業)

又裝修，又落足本宣傳，又話上市，小肥羊呢排都好大動作！是晚一行五人食晚飯，見小肥羊裝修後都未幫襯過，就來試一試。八點零鐘去到，大把位揀，裝修後生意都是不外如是。點菜方面，大家都懶得諗，就要個半席用的套餐，一千六百幾包茶芥加一，可以接受。先講湯底，要鴛鴦鍋，可是湯底做得不好。辣，不是四川的麻辣，但辣得很不舒服的。套餐有齊牛肉駝鳥臀，海鮮又有鮮拔蚌刺身、立魚刺身和日本毛蟹，仲有魚皮餃、菜、麵條，飲品方面酸梅湯銀菊露各一，食物種類真不少。品種雖多，不過質素麻麻。拔蚌刺身、立魚刺身和日本毛蟹均毫無鮮味，蚌是黑色，應不是象拔蚌的品種，做刺身味道還有點腥；駝鳥臀好硬，是太大件還是什麼原因呢?魚皮餃、燕餃都好散，只是招牌的羊肉比較好一些。因為食得太飽，蒙古麵和手攪麵我都無品嚐，但同台人的反應卻不錯，下次可以試試。總括而言，價錢唔算貴，不過食物就認真一般。