富記美食堂 (已結業)

早前係竹園夜市行過，見到有手抓餅食，只售25蚊，因為我本身都幾鍾意食手抓餅，加上佢有三款餡料套餐選擇，我擇左b餐，係芝士火腿蛋加生菜同茄汁底手抓餅，因為手抓餅始終係即叫即做，加上都多人叫酸辣粉、錫紙鍋等，所以都要等一段時間先有得拎，叫了之後大約十至十五分鐘左右就有得拎，拎返屋企先食。整個手抓餅我覺得ok，但不可算是非常好吃，個餅底煎得不算太香脆，有少少淋身，可能因為係Q餅，餡料正常，不算太多，加上佢比像夾餅，同一般捲住的有少少分別，啲餡容易洩漏，同埋比較難以一啖咬到晒，佢的醬汁用左茄汁，所以都有少少酸，唔算太夾。或者佢其實食物係ok，但是手抓餅比我預期中失望，可能下次試下佢的錫紙鍋。以下評分以5⭐️為滿分推介⭐️⭐️