元祖沾麵專門店

營業中

休息中

個人一向對日本美食情有獨鐘，因為可以嚐到食材本質同精簡嘅烹調。日前相約家人到尖沙咀就試一試我一直未食過但又好想食嘅沾麵喇⋯⋯一打海menu見到有期間限定一板嘅海膽，價錢又唔算貴喎，諗都唔諗就揀左，不時不食丫嘛⋯⋯推得嘅應該唔會差⋯⋯一大板滿哂，都78蚊，爽一啖食落去，仲爽！好鮮甜嘅海膽！果然冇令我失望！嗰種鮮味令人立時精神哂！然後點左個店嘅主食，沾麵，而我點嘅係魚介沾面，因為魚介係日本拉麵其中一個最地道又傳統嘅配搭，即用魚制湯，就叫魚介喇！湯味道一點也不咸，仲好有魚嘅鮮味，帶微酸甜，湯相當濃郁，入面仲有啲豬肉，精而豐富！上面到枱，鍋熱十足，個湯係滾住上，天氣凍啲再食應該更正，而湯同面係分開嘅⋯⋯先講面身，相當有彈性，軟硬適中，感覺似烏冬，但比一般烏冬更有口感！沾落個湯度食，完全食得出湯嘅鮮味，個人建議可以浸耐少少先食，唔洗太心急，等啲面吸多啲湯會更加入味。順帶一提，店內嘅裝潢都好有日本面檔感覺，有好多獨立座位，十分適合附近嘅打工仔，收工時食晚餐。