圓仔記

營業中

休息中

作為一個奇怪嘅人，我係勁憎食芋頭，但係好鍾意食芋圓嘅人。一直以嚟我都唔鍾意食芋泥，因為覺得勁重芋頭味。但係打破呢一個「魔咒」嘅，就真係剩係得圓仔記嘅包心芋圓。初時見到大家推薦，我都係諗住試一試無妨嘅心態去買。作為外賣店嚟講，佢嘅價錢唔算得好平。見到佢嘅包心芋泥個個都讚好，咁我就諗住試一試啦。點知一試就真係愛上了，如果你問我個特別之處係乜嘢，我會講話佢嘅芋泥真係好重奶味，好香。我覺得佢嗰種奶嘅香味重過芋頭味太多，唔知係咪加咗奶嘅緣故，食落口嘅時候口感十分之滑溜，滑捋捋勁舒服。趁凍食嘅話真係超正，食完之後真係忘記唔到，我都冇試過喺第二間舖頭食過令到我咁鍾意咁上癮嘅芋泥，不過我諗好鍾意食芋頭嘅朋友就會有啲失望。