榮少喇沙 (已結業)

呢間榮少喇沙位於屯門時代廣場北翼，地方大而舒適，位置寬躺,非常適合朋友聚會。今次去嗰日午餐時間人流不多雖然都要排隊，但係唔會等好耐，今次去到點咗豬軟骨魚湯底油麵，飲品凍檸茶,無糖可樂同小食蝦餅。值得一提嘅係榮少喇沙係用QRcode手機落單.咁樣嘅話落單或者加單更加方便首先，豬軟骨魚湯底油麵，湯底鮮味十足，魚湯底帶有淡淡嘅甜味，湯底加上麵條煮熟彈牙，食落好順口，配上豬軟骨，一口咬落爽口有嚼勁，非常入味。同時麵條量十足，一碗已經飽食飽足。接著，凍檸茶味道清新，唔會太甜，非常適合夏日飲用，另外小食蝦餅脆脆嘅外皮，內裡有大蝦肉，有鮮味，配合埋甜辣醬呢種配搭非常開胃整體黎講，榮少喇沙嘅豬軟骨魚湯底油麵非常好味，同時飲品同小食都非常恰當。而且餐廳地方舒適，環境清幽，而且就近商場非常方便,適合細聚或者家庭聚餐。值得一試。