金華冰廳

營業中

休息中

細個成日都嚟太子依間金華茶記食飯，今日咁啱經過就入去食咗個lunch。叫左個星洲炒米同必食招牌墨西哥油。星洲炒米好有鑊氣，辣度啱啱好，料亦都好多，有叉燒、火腿、蝦、青椒、蔥、芽菜同洋蔥，不過略嫌多左少少咖喱粉，未算均勻，偶爾會食到一啖好多咖喱粉，少少苦，茶記來說，炒嘢算中上。墨西哥油一定要試，係世一嘅墨西哥包呀😍😍。外鬆內軟，係鬆並唔係脆！夾埋舊安佳牛油，簡直是人間美食🙈！下次經過一定要再買！🙂🙂🙂🙂🙂奶茶就中規中矩啦，沒有特別，只屬中游水平。啲姐姐嘅服務態度都好好，充滿人情味。