Neko Puff (已結業)

早幾日去咗屯門，經過市中心見到一間Neko Puff 係世界賽冠軍得獎拿破崙，大部分食材均由法國直送，1小時預訂，即叫即焗嘅。見到非常之吸引，即刻買咗個嚟試下。🎂3.6牛乳燉蛋白拿破崙 $328我自己好鍾意食鮮奶燉蛋白，所以揀咗呢隻味。用3.6牛乳燉出嚟嘅蛋白係特別細緻，奶味特別香濃。拿破崙嘅酥皮都非常鬆脆，仲有好香嘅牛油香味。每食一啖都充滿層次感，果然係冠軍得獎👏👏～～～～～～～～～～～～～～～～～～除左拿破崙，佢地嘅件裝蛋糕造型都同樣吸引，我都買咗幾個嚟試下。🍰芒果焦糖蛋糕 $42芒果清甜唔酸，香濃嘅焦糖味道更能突顯芒果嘅清香。蛋糕口感非常順滑，甜度亦啱啱好。🍰黑加侖子軟芝士餅 $42黑加侖子配上軟芝士可以將黑加侖子嘅酸味降低，兩者結合嘅酸甜味道好夾。🍰紅莓希臘乳酪朱古力蛋糕 $46乳酪慕絲幼滑，配埋濃而不膩嘅朱古力夾層，充滿浪漫嘅情懷，造型不失高貴。🍰伯爵茶燉蛋蛋糕 $42伯爵茶味香濃，燉蛋蛋糕口感順滑，甜度啱啱好。