好好運快餐店

營業中

休息中

唯一追求最出色嘅沙嗲牛公仔麵，今次特登嚟荔枝角試吓，我11點幾已經到咗，都見到有條人龍，證明佢真係好出名，足足等咗20分鐘，終於到我了！坐低就一定係沙嗲牛公仔麵啦，即刻加隻蛋同埋個個都叫嘅紅腸，叫埋杯凍檸茶，真係完美嘅組合！等咗5分鐘就有得食，首先，見到個沙嗲湯底上面有洋蔥，就知道佢嘅沙嗲湯底唔簡單，整體係唔錯！再試啲牛肉，首先份量都幾多，啲牛肉冇筋，唔會黐牙，啲牛肉整體都幾好！沙嗲牛配隻蛋真係完，另外講返啲紅腸，佢真係好闊綽，大大件，不過啲紅腸有啲鹹，可能太多份量，加埋原有嘅沙嗲汁，整體鹹咗啲，但不失為一碗好嘅沙嗲牛麵！整體都係值得排隊，如果湯底可以淡少少就一流啦！