八寶清湯腩

營業中

休息中

如果突然間想食粉面，唔介意要特登去嘅話一定係去呢間。因為鼠尾草每次諗到呢間，都唔介意特登去到天后食佢，原因就係因為佢嘅牛筋、湯底、同埋蘿蔔都做到完美嘅等級，贏晒其他嘅粉面舖啊。首先牛筋非常之腍，而且亦都好入味，每一啖都有漿住個口嘅感覺，入口即溶真係無可代替。而湯底亦都好特別，除咗腩汁味，仲有藥材湯底嘅味。以前呢間舖頭真係會標榜自己用咗唔同嘅中藥材煲，去到而家都仍然有濃郁嘅藥材味係湯底。而且蘿蔔嘅質地啱啱好，做到入口即溶，但係用筷子夾又唔會爛晒，而且中間唔會有草青味，完全入晒味，真係好正。