影片
更多
2022-03-27
1472 瀏覽
近來大熱嘅酸種麵團，除咗出咗葡撻，麵包之外今次仲有Pizza添，食過之後，小編念念不忘！燒烤醬肉丸pizza 呢份係近日新出嘅，以燒烤醬為底，配上豬肉丸、辣肉腸、西班牙香腸等等嘅肉類，份量相當十足。燒烤醬帶點甜，熱辣辣嘅時候就可以輕鬆拉到長長嘅芝士。最特別嘅係加上左墨西哥醃辣椒，辣度唔高但更為刺激味蕾。由於每一塊Pizza都係全人手搓 ，所以批邊特別軟韌，批底適中厚度。黑松露薄餅小編真係好喜歡餐廳秘製嘅酸種麵團，而且用上嘅黑松露，真係隔住個盒都聞到佢嘅幽香，加上火箭菜同蘑菇，配搭好match。不過由於薄餅係即叫即整，大家要耐心等候一下～冬甩🍩熱辣辣新鮮炸起嘅冬甩，食嘅時候要小心，因為裏面有澎湃嘅醬料。口感非常鬆軟，帶點煙煙韌靭，面頭嘅沙糖唔會太黏咀，整個冬甩都好有份量。專誠嚟到，今次揀咗半打口味。咖啡味濃郁，奶香頗重；吉士順滑並唔太甜膩；士多啤梨酸甜誘人，果醬帶有士多啤梨籽；檸檬派嘅酸度同肉桂砂糖份外相襯，食落清新；反而海鹽焦糖比幻想中淡；講到最夾，一定要試榛子醬口味！💡開放式廚房可以見到餐廳員工嘅分工非常清晰，各人負責不同步驟，等嘅過程之中，真係見着佢哋默默用心製作每一個Pizza！
燒烤醬肉丸pizza
呢份係近日新出嘅，以燒烤醬為底，配上豬肉丸、辣肉腸、西班牙香腸等等嘅肉類，份量相當十足。燒烤醬帶點甜，熱辣辣嘅時候就可以輕鬆拉到長長嘅芝士。最特別嘅係加上左墨西哥醃辣椒，辣度唔高但更為刺激味蕾。由於每一塊Pizza都係全人手搓 ，所以批邊特別軟韌，批底適中厚度。
黑松露薄餅
小編真係好喜歡餐廳秘製嘅酸種麵團，而且用上嘅黑松露，真係隔住個盒都聞到佢嘅幽香，加上火箭菜同蘑菇，配搭好match。不過由於薄餅係即叫即整，大家要耐心等候一下～
冬甩🍩
熱辣辣新鮮炸起嘅冬甩，食嘅時候要小心，因為裏面有澎湃嘅醬料。口感非常鬆軟，帶點煙煙韌靭，面頭嘅沙糖唔會太黏咀，整個冬甩都好有份量。專誠嚟到，今次揀咗半打口味。咖啡味濃郁，奶香頗重；吉士順滑並唔太甜膩；士多啤梨酸甜誘人，果醬帶有士多啤梨籽；檸檬派嘅酸度同肉桂砂糖份外相襯，食落清新；反而海鹽焦糖比幻想中淡；講到最夾，一定要試榛子醬口味！
💡開放式廚房可以見到餐廳員工嘅分工非常清晰，各人負責不同步驟，等嘅過程之中，真係見着佢哋默默用心製作每一個Pizza！
張貼
